Halló halló halló!!

"Það var sagt að það væri show!!!"

föstudagur, apríl 30, 2004

www.grikkland.is - allir að skoða það!!

Góðan daginn

Endilega kíkið á þessa síðu.... Þarna er að finna paradís sem ég á pottþétt eftir að heimsækja!! Ef þið eruð ekki búin að plana sumarfríið þá skuluð þið skoða þetta... og endilega sýnið vinum og vandamönnum þessa síðu!!!

jæja... fékk það staðfest í morgun að ég er að fara kenna í Oddeyrarskóla á mánudögum og Síðuskóli í athugun... það er bara allt að gerast. Ég er að taka upp gamla siði og ætla að gerast farkennari hehehe ferðast á milli skóla með blokkflautu í annarri og bækur í hinni og reyni mitt besta til að efla tónlistargáfur nemenda.
Annars er bara komin helgi og ég þyrfti að fara læra allnokkuð fyrir mitt eina próf á þessari önn, er ekki að nenna því en jújú ætli maður lufsist ekki í það
Well þarf að skondrast á fund... góða helgi

miðvikudagur, apríl 28, 2004

próf... aaaalgjör óþarfi!!

úff hvað ég nenni ekki að læra fyrir eina prófið sem ég þarf að taka þann 5. maí!!! Þarf svoleiðis að berja mig niður til að nenna lesa eina málsgrein!!! En það er nú í lagi ennþá... alveg vika í þetta hehehe
Eftir prófið er þá bara tónó... kennsla og skóli, tónleikar 7. maí á Dido og Aeneas og svo bara sumarfílingur :-)
Ég er að fara gerast hestakona svei mér þá, er að fara á hestbak næstu tvær helgar!! Það telst mikið á minn mælikvarða amk í dag.. var öflug hér áður fyrr en svo einhvern veginn breyttist það. kannski er ég að breytast til baka tíhíhí og fara á kaf í sveitafílinginn og hestamennskuna.... well ok að fara nokkrum sinnum á hestbak og svona en engan æsing samt!!

orðlaus!!

Jamm það er alltaf eitthvað óvænt að gerast í þessu lífi... ýmist gott eða slæmt. Í þetta skiptið var hið óvænta slæmt, ekkert hægt að gera nema halda áfram og reyna að hjálpa til við að yfirstíga það !!! Úff það er ekkert hægt að segja en ég hugsa til allra þeirra sem takast á við þennan óvænta atburð!!

Lærði fyrir ári síðan að sama hvað á dynur þá heldur lífið áfram... vissulega rétt, tíminn líður amk því ég varð árinu eldri í gær, takk fyrir allar kveðjurnar ;-)

Nú er allt að skýrast í skólamálum.. mér hefur tekist að fá það sem ég vildi hehehe og sé fram á útskrift e ár en ekki 2 ár!!! Strax betra að vita það!! Nú þarf bara að tækla helv... stæið þá er ég sátt. Ég er komin með tónmenntakennarastöðu næsta vetur þannig að ég er í góðum málum. Hótelið í sumar og kennsla í haust! já og svo er fer ég vonandi í brúðskaup til Spánar hjá Melinu vinkonu í ágúst og skíðaferð milli jóla og nýárs... líst bara vel á framtíðarplönin!!
Var að frétta af nýjum bumbubúa... Helga og Steini, til hamingju!!!

Jæja ég hef nákvæmlega ekkert að segja...
farin í háttinn.....

miðvikudagur, apríl 21, 2004

Glimrandi fílingur í gangi!!

Jæja gott fólk... nú er allt að gerast! Ritgerðin er í yfirlestri og allt í góðum gír með hana, við erum sko búnar að setja hana á hold þannig að nú er ekkert stress í gangi og þvílíkur munur!!! Við Magga tæklum hana bara í rólegheitum tíhíhí engin pressa þar sem útskrift er ekki fyrr en eftir ár ;-)

Í morgun voru tónleikar hjá litlu snúllunum mínum í forskólanum. Mínir fyrstu nemendur stóðu sig alveg frábærlega og ég er alveg rosalega stolt af þeim ;-) eiginlega bara montin líka. það var alveg frábært að sjá hvað allir voru einbeittir og greinilega að gera sitt besta - það er nú líka meira en að segja það að standa fyrir framan ca 250 skólafélaga sína og spila í fyrsta skipti opinberlega. Mig langaði bara til að knúsa þau öll eftir tónleikana því ég var svooooo stolt af þeim að ég fékk fiðring í magann!! svona mússímúss- fílingur í gangi hérna :-)

Svo er bara komið sumar!!! Planið var að fara um helgina á Sigló á skíði en ég er ekki alveg að sjá það gerast því það er bara sumarveður og steikjandi hiti!!! Verð bara að dusta rykið af línuskautunum og skondrast af stað!! það er líka glimrandi gaman!!

GLEÐILEGT SUMAR!!!

sunnudagur, apríl 18, 2004

hvar er þjónustulundin á sunnudagsmorgni??!

ja maður spyr sig!! Ég, svefnpurkan sjálf, var komin hingað á Sólborg 09:15 í morgun en neinei það var ekki hægt að komast inn, lykilkortaapparatið stóð eitthvað á sér #$%$""#$& og fyrir utan biðu lærdómsþyrstir nemendur í ofvæni til að komast nú á básinn sinn til að gera eitthvað með viti! En ekkert gerðist þannig að það var ekkert annað hægt en að hringja í manninn sem sér um lykilkortaapparatið og biðja hann um að redda þessu. Jújú en hvað... erum búin að bíða fyrir utan í næstum því 30 mín þegar hringt er aftur í kauða og hvað haldiði?? Mannbjálfinn birtist fyrir innan og opnar?! og við spyrjum : "bíddu ertu búinn að vera hérna allan tímann?" og hann svara " en ekki hvað?!" AAAARRRRGGGH!!! ekki datt honum í hug að opna helv... hurðina og reyna SVO að laga þetta kortaapparat sem virkar annars ekkert sérstaklega vel!! Reyndar er þjónustulundin ekkert frekar til staðar á virkum dögum en það má nú alltaf vona það besta tíhíhí

En hingað er ég komin og alveg að rokka í ritgerðinni... tíminn líður hratt og allt þarf að gerast nú á 10 dögum hehehe það reddast. Ég er ekki aaalveg sammála henni Bjarkey(ju) (hmmm man ekki hvað hún vill tíhíh en skoðið þið bloggið hennar)... hehehe með að vera orðin of göumul fyrir "það reddast" fílinginn... maður kemst langt á honum hehehe

Jæja best að halda áfram...
leitör geitör

miðvikudagur, apríl 07, 2004

snillingurinn ég!!!

Jæja dagurinn í dag er hinn ágætasti...búin að fá útborgað frá BSHA, borgaði leiguna og er að vinna í lokaverkefninu...hægt en örugglega!!

Sko ég er nú oft ansi svefndrukkin þegar ég er nývöknuð og ekki mjög fersk en í morgun held ég að ég hafi slegið öll met!! Málið er að ég var að drífa mig af stað og ákvað að kíkja inn í ísskáp og gera mér vonir um að eitthvað gott leyndist þar inni til að grípa með. Jújú það reyndist vera rétt, tvö lítil og girnileg rauð epli voru þarna í poka og mín greip pokann skellti honum ofan í tösku og fór af stað glöð í skólann. Svo kom að því að borða morgunmatinn, skyr og epli og hvað haldiði?? Ég var ekki með epli í töskunni, neinei ég var með tvo RAUÐLAUKA í pokanum!!!! Hélt að það væri ansi erfitt að ruglast á lauk og epli en það virðist allt vera mögulegt!! Ég er alveg viss um að ég sá rauðlaukana í svona hyllingum sem epli þar sem ísskápurinn minn er hálfgerð eyðimörk, held að þetta sé skýringin!!

Annars er bara að sparka sér áfram í lokaritgerð en möst að skreppa líka í fjallið um páskana, það væri nú ekki leiðinlegt!

þriðjudagur, apríl 06, 2004

......

það er svoooo mikið að gera... erum að reyna klára eins mikið og mögulegt er í lokaverkefninu fyrir morgundaginn þannig að nú er að taka á honum stóra sínum!!
later ..........

mánudagur, apríl 05, 2004

sveitasælan virkar!!!

Jámm það virkaði svona vel að skondrast inn í botn Svarfaðardals með fulla kassa af bókum og rauðvín til að skrifa lokaritgerðina, við gerðum alveg fullt. Ég er ekki frá því að haninn Jóakim hafi nú aðeins látið vita af sér þarna hehehe allskonar þrusk sem heyrðist en það var nú í lagi. Ég mæli sko með því að fólk skelli sér í stúdíoíbúðina á Skeiði til að vinna... það er alveg kjörið!!
Í gær tæklaði ég síðan heilar fjórar fermingarveislur og guð minn góður hvað ég borðaði mikið af allskonar kökum og gúmmelaði..held að ég þurfi nú laglega að fara huga að hreyfingu!!!

föstudagur, apríl 02, 2004

seisei

Einum áfanganum enn lokið í mínu lífi.....Heimspeki menntunar er öll! Já eða það vona ég amk, á eftir að fá lokaeinkunnina staðfesta en þetta er klárt hehehe og það er alveg ólýsanlega góður fílingur!!

Svo er það bara sveitasælan á eftir.. við Magga ætlum að skondrast í Svarfaðardalinn á vit skrifguðanna á Skeiði og blússast áfram í ritgerðinni með rauðvín í annarri og bækur í hinni. Ég hlakka bara til!! Gott að komast burt frá öllu, ekkert símasamband, ekkert tv ekki neitt bara!! Bara gamla fjósið á Skeiði þar sem einu sinni bjó brjálaður hani sem hét Jóakim hehehe sem ég þurfti að hlaupa á undan hérna um árið en nú er fjósið bara fínasta stúdíóíbúð! Aldrei hefði mér dottið í hug að þarna ætti ég eftir að sitja og skrifa lokaritgerðina mína, þar sem Jóakim bjó og svo allar kanínurnar og skinnaverkunin...fyndið hvað allt er breytt. Það breytist allt svo hratt að stundum er ekki mögulegt að fylgjast með. Juuuu hvað mín er orðin háfleyg e-ð. Ég ætla að hætta núna og spara það í ritgerðina.....

Góða helgi nær og fjær ;-)