Halló halló halló!!

"Það var sagt að það væri show!!!"

sunnudagur, september 24, 2006

mikið horfi ég fram á veginn!!!



já gott fólk, hér má sjá hvað ég er mikið að hugsa! það gerist af og til hehehe..

mánudagur, september 11, 2006

jahá!! áfram gakk!!

Já nú er sko málið að fara spýta í lófana og hreyfa á sér kroppinn!! Þetta gengur ekki lengur og minns er að fara að kaupa kort í ræktina. Nú er allt að komast í fastar skorður fyrir veturinn, stundataflan alveg að verða klár og hún er nú ansi þéttbókuð - eins og venjulega hehe EN það er bara eins og það á að vera... er nú samt búin að skera niður sko en fylli upp í skarðið með líkamsrækt - ó já!!

Tónó að byrja aftur - dásamlegt! Hlakka til að byrja aftur og komast í söngform..nú verða líka svo margir tímar, maður er jú alltaf að stækka og komin í óperu og ljóðadeild líka. jámm nú verður jússast af heilum hug hehe.

meira hvað storkurinn hefur sveimað í kringum mig undanfarið, börnin koma út um allt.. heimsótti tvo litla prinsa í dag og þeir voru ekkert smávegis krúttlegir! jeminn eini!! Ok ok nú hugsar einhver með sér : djí nú heyri í klingja..!! Hmm tja kannski það en þó ekki - veit það bara ekki - get ekki alveg dæmt um það.

Jamm og jæja þannig er nú það...

fimmtudagur, september 07, 2006

nú er ég blindfull!!

jájá gott fólk full er ég á miðjum fimmtudegi, 7. sept 2006 - svo blindfull að ég get varla talað!! Ekki er ég full vegna áfengisdrykkju heldur einfaldlega blindfull af kvefi hálsbólgu! Orðið ansi þreytt hlutskipti finnst mér þar sem ég hef ekki farið í vinnu þessa viku nema tvo fyrstu tímana á mánudag - gaaaaarrrrg þoli ekki svona hangs.. Reyndar er ég búin að lesa mikið í bókinni "Leggðu rækt við sjálfan þig" sem er alveg ágætis lesning - hollt fyrir alla að lesa. já og svo er það bara vídeogláp og snýtingar inn á milli.
Borða hafragraut, lýsi, vítamín og sólhattasýróp og ávexti til að reyna losna við þennan viðbjóð...

Dásemd þetta líf !

Vonast til að skondrast í vinnunna á morgun, er ekki að höndla þessa inniveru í dásamlega fallega haustveðrinu sem er hérna núna.. svona móment sem kallar á gönguferð í Kjarna og anda að sér gróðurilmi í röku haustloftinu - stefni á Kjarna um helgina,góð hugmynd! Það er líka gott að komast í kyrrð.. þó svo að ég búi nánast upp í sveit er ekki hægt að segja að hér sé mikil kyrrð þar sem endalaus öskur vinnuvéla áreita mig úr öllum áttum - nei ég er ekki að ímynda mér raddir hehehehe heldur er alls staðar verið að byggja, steypa, grafa negla, saga,malbika, valta og ég veit ekki hvað með meðfylgjandi hávaðamengun!

Best að fara snýta sér...

miðvikudagur, september 06, 2006

..,_

Jæja ferðabransinn búinn hjá mér í bili og kennsla komin á gott skrið. Ég fer reyndar hægt af stað þar sem ég ligg í flensu síðan á mánudag!! Röddin týnd sem þýðir að minns getur ekkert kennt! Get ekki sagt að mér sé skemmt því það er afskaplega einangrað að vera bara heima hjá sér.. vissulega gefst tími til að hugsa um hitt og þetta og já svei mér ef ég er bara ekki búin að hugsa heilmikið!! hmmmm ég er búin að sofa svo mikið þessa dagana.. ótrúlegt hvað ég hef sofið mikið! eru þetta skilaboð um að slaka á eða ?? nei maður spyr sig.. svo vaknaði ég kl 04:30 í nótt og ekki að sofna aftur!! garrrg hvað er það?? ojæja mín kveikti bara á tölvunni og fór að kjósa Magna í fyrsta skiptið.. það var það eina sem hægt var að gera...guð minn góður hvað fólk er duglegt að nenna þessu - sumir búnir að kjósa amk 1000 sinnum jeminn eini er það ekki nokkrum hunduruðum skiptum of mikið? ég held að ég hafi kannski náð 20 skiptum og þá algjörlega búin að fá nóg. En mér leið vel á eftir, búin að kjósa "Magna okkar" íslendinga þó svo að ég hafi ekki séð flutninginn hans ehehe var sofandi ;-D

Það voru göngur og réttir síðustu helgi.. mikið stuð eins og venjulega, lenti í svaka partý í Skíðadal á laugardagskv. og svo var auðvitað gangnaballið á sunnudagskv. sem gekk ljómandi vel.. allir ánægðir held ég, ballhaldarar og gestir -sem er mjög gott.

ég er á fullu að skipuleggja skíðaferðina mína í vetur, þarf sko að fara smá fjallabaksleið þar sem diskóparið er að fara gifta sig daginn sem á að fara út. Mér finnst það bara æðislegt og ekki mikið mál að fara bara degi seinna í skíðaferðina - það verður örugglega ævintýri hehe