Halló halló halló!!

"Það var sagt að það væri show!!!"

þriðjudagur, júní 24, 2003

Ég er nú meiri letipúkinn í þessu bloggi mar!! Svona aðeins til að afsaka blogghegðun mína get ég sagt að ég er nú ekki mikið búin að vera á netinu síðan ég kom á Frón... en nú er ég mætt í mótttökuna á mínu elskulega hótel Eddu og þá er tilvalið að laumast í bloggið á dauðum stundum hehehe
Það er nú svosum ekkert títt nema kannski að ég er að DREPAST úr strengjum eftir gærdaginn!! Það er svo slæmt að ég get varla gengið og ég sem hélt að ég væri í þrusu formi (tíhíhí eða þannig) Ég var sko á herbergjunum í gær að þrífa og gjörsamlega á hlaupum,þreif eins og 20 sturtur eða 100 eða e-ð á ljóshraða og það skilar sér í fæturnar á mér því þetta voru klikkaðar hnébeygjur!! Verð bara vöðvabúnt á eftir hehehe

Fór í brúðkaup um helgina...var meira að segja að syngja í athöfninni og maður minn...var mín pínu stressuð eða??? jamms obbolítið, ruglaðist á textanum og svona hehehe sagði bara jæja og hélt áfram! Ég er sko ekki mikið fyrir að koma fram svona ein og sér eða amk ekki ennþá..þetta var í annað skiptið sem ég syng ein fyrir framan fólk og ég skalf ekki alveg eins mikið núna eins og í fyrsta skiptið... En það er bara gaman af því...
Veislan var svo fín og bara allt í kring um þetta...voða sætt svona ;-)

Nú er kominn tími á kaffi.....

þriðjudagur, júní 17, 2003

Gleðilega þjóðhátíð!!! ;-)

Jæja nú er ég barasta komin á klakann..pínu skrítinn fílingur. OK það er gott að koma heim... en hefði nú samt viljað vera lengur í Vínarborg. Það er ótrúlegt hvað mar er kominn fljótt inn í hversdagsleikann hér á fróni, byrjaði að vinna í dag sem þýðir engin miskunn hehehe. Jújú ég fer nú ekki á fullt strax.
Það að fara heim frá Vín var strembið þar sem ég hata kveðjustundir. Grannarnir á Erlachplatz vöktu með okkur Möggu alla nóttina áður en við lögðum stað á flugvöllinn og þar var mikið grátið og knúsast....snökt,snökt, sakna allra rosalega mikið.. Flugið gekk ágætlega til London og þar þurftum við að bíða í uþb 7 klst e flugi á klakann! Við vorum mikið að spá í að skreppa til London í millitíðinni en ákváðum bara að vera ekkert að leggja af stað bæði vegna þess að við vorum drulluþreyttar og því vissar um að villast í stórborginni hehehe þar sem við erum ekki voða vissar með áttirnar :-) Við töltum því um Stanstedflugvöll þveran og endilangan á meðan við biðum eftir flugi.
Við inntékk til Ísl. þurftum við að borga yfirvigt! Takk fyrir takk...við sem héldum að við værum seif en neinei, þeir rukka fyrir hvert einasta kíló!! Ótrúlegt en satt, þá komum við með uþb 65 kíló til landsins...2 ferðatöskur í pósti og svo ein með okkur í flugi!! Hef ekki hugmynd um hvað geymist í þessu öllusaman ;-þ kemur allt í ljós.

Næst á dagskrá var síðan að heimsækja vini og vandamenn á fróni..gekk nú ekki mjög vel í borginni þar sem fáir voru heima...hitti þó nokkra áður en ég fór norður ;-)
Fyrir norðan er svo fullt af fólki til að heimsækja... er ekki einu sinni búin að hitta alla ennþá en það kemur ;-) Ég er að sjálfsögðu búina að afreka einn skandal síðan ég kom á Frón... var að skutlast með eina gamla konu í Blómaval í ísleiðangur sem er nú svosum ekki merkilegt nema hvað að ég tek konugreyið á taugum!! Var á sjálfskiptum bíl sko, og hún sígjammandi yfir hausamótunum á mér um að fara varlega, passa mig á bílum, osfrv og frv... ég á fullu að vanda mig við aksturinn en vandaði mig heldur mikið og steig á bremsudrusluna með vinstri og við fengum því smá kipp!! Vúbbala!!! Blessaða konan varð alveg ær og vildi sko alls ekki koma með mér til baka þannig að ég fór bara ein heim og konan fékk far til baka!!! Jæja það verður alltaf einhver að taka að sér skandalana tíhíhíhí

Hurru og svo er ég bara byrjuð á blessaðri Eddunni eina ferðina enn. Það var svaka vígsla í dag því við vorum að opna nýja og fína heimavist og því var voða fínt kokteilboð hehehe og hér sit ég, á bakvið í lobbíinu, drekkandi rauðvín, borðandi snittur og að blogga svona "til að lífga upp á hversdagsleikann" hehe Það er nú samt svólítið hættulegt að sitja hér og slappa af því ef það þarf að sendast e-ð er ekki erfitt að lenda í einhverri sjálfboðavinnu og það viljum við ekki!!!

Hmmm best að segja þetta gott ;-)

þriðjudagur, júní 10, 2003

Ansi mikið að gera þessa dagana...styttist í heimferð og svona og þá þarf að nota hverja sek í öll skemmtilegheitin hér í Vín. ;-)
Á föstudag var fastaborð hjá Íslendingunum og að sjálfsögðu fórum við Magga, Helga og Steini þangað og hittum fullt af fólki, allir í svaka stuði, við vorum að syngja Stuðmannalög og svona....sannir íslenskir víkingar á ferð drekkandi mjöð hehehe
Svo var heimferðin alveg mögnuð.... þar sem Helga er skáti í húð og hár þá varð hún auðvitað að gera eitt góðverk :-) við rákumst á einn þreyttan Vínarbúa sem lá þarna á gangstétt bara eins og hún væri fínasta rúm! Fyrst leist Helgu nú ekkert á að labba þarna framhjá en snerist hugur fljótlega og ákvað að skella manninum í læsta hliðarlegu og hringja á lögguna....eitt sinn skáti,ávallt skáti ;-) tíhíhí

Laugardagurinn var líka skemmtilegur... afmæliskaffi hjá skátanum þar sem Steini stóð sig eins og hetja í eldhúsinu, hann átti ekki í erfiðleikum með að töfra fram kræsingarnar maður. Horfðum á ógeðslega leiðinlegan landsleik...Ísl-Færeyjar, djöfull er íslenska landsliðið lélegt!!!! Iss nenni ekki að tala um fótbolta hér en um kvöldið var svo aðeins partýast hjá Helgu ásamt Steina, Hjálmari, Keisuke, Boban og okkur Möggu.

Sunnudagur.
Allir í sólbaði úti á svölum...en það er fínt að sitja þar í mollunni, sérstaklega nývöknuð og fín og ræða heimsmálin :-) Fórum líka í túristafíling að skoða aðeins Vín og svona. En það þarf líka að fara á línuskauta og það gerðum við Magga, Helga og Keisuke heldur betur, skautuðum í 2 1/2 tíma og svitnuðum ansi mikið!! Við fórum á Dónáinsel og skautuðum ótrúlega langt og lentum í ýmsu. Fyrst var þetta nú bara venjulegt, fullt af fólki að hjóla eða skauta, síðan komum við á svæði þar sem varla var hægt að skauta fyrir tyrkjum og sígaunum að grilla og allt í einu vorum við bara komin á nektarnýlendu!!! Þar var fullt af gömlu fólki með skósíða rassa bara eins og það fengi borgað fyrir það. Við reyndum nú bara að koma okkur þarna burtu við fyrsta tækifæri og skelltum okkur yfir brú á hinn bakkann. Þar var aðeins skárra... Ég fékk mér eina flugferð í grasið hehehe skautaði á stein og tókst á loft. Það gerðist samt svo hægt og ég var þarna að reyna að detta ekki en fór svo beint í brenninetlur og rispaðist aðeins hehehe en það var nú ekkert, við skellihlógum að þessu öllu saman.
Sveitt og klístruð komum við siðan Erlachplatz að undirbúa kveðjupartí okkar Möggu. Jamm eitt partýið enn hehehe. Það var náttúrlega magnað.. skelltum okkur upp á þak og horfðum á sólarupprás og að lokum enduðum við á svaka vatnsslag þannig að hæðin var á floti. Það er nú ekki verra að leggja hæðina reglulega í bleyti því það er allt svo skítugt hér hehehe.
Gærdagurinn var svo bara rólegur... fórum á Burger King í Chicken wopper mmmmmmm rann ljúflega niður. Nú og svo var bara að fara pakka!!!! Við verðum víst að feisa það að við erum að fara heim e 2 daga í kuldan á fróni. Ljúft að koma heim en ljúft að vera hér líka!!
Best að halda áfram að pakka og fara svo að vikta herlegheitin til að passa að vera ekki með yfirvigt..sendi frekar í pósti því það er helmingi ódýrara híhíhí...

fimmtudagur, júní 05, 2003

Fjúff í dag er búinn að vera steikjandi hiti eða uþb 35 stig þegar heitast var!!! Það var nú bara erfitt að vera úti vegna hita eða amk ansi mikill sviti!! Þetta er nú samt betra en 6 gráðu hiti á Fróni... er barasta ekkert viss um að ég sé tilbúin í það að þurfa að fara klæða mig í vetrarklæðnað aftur eftir viku!! Þannig að það er nú eins gott að þetta fari að batnandi hehehe
Ég var annars að koma af línuskautum með Keisuke og Daníel, skruppum á Donauinsel og það var auðvitað frábært, við skautuðum í ca 2 tíma og í 28 stiga hita þannig að ég er vel klístruð tíhíhíhí en á leið í kalda sturtu fyrir svefninn.
Jæja ætla að drífa mig í sturtu.... ;-)

miðvikudagur, júní 04, 2003

T'ihíhí við Magga slógum í gegn í dag!!! Við héldum fyrirlestur í dag í sögu um Önnu Frank með Melinu að ógleymdri einni austurrískri geit!!! Já geit af því að hún gerði nákvæmlega ekki neitt en hún átti einmitt að vera okkar stuðningur í þýskunni!! Við ákváðum að vinna okkar heimavinnu að sjálfsögðu... vorum nú samt alveg að guggna á því þar sem það er nú ekkert grín að snúa ensku yfir á þýsku, en við vorum með allar heimildir af netinu á ensku auðvitað. Í allann gærdag vorum við Magga að manna okkur upp í að gera e-ð í þessu verkefni en það var ekki að virka...allt of mikil sól til að vera læra tíhíhíhíhí
Það var svo ekki fyrr en í gærkvöldi sem Maximilian (hálfur mexicani og þjóðverji) tók það að sér að þýða fyrir okkur allann enskan texta yfir á þýsku ;-þ þvílík heppni það!!!
Við semsagt mættum í dag í tíma með þennan líka glæsilega fyrirlestur án nokkurrar hjálpar frá austurrísku geitinni!! Hún mætti síðan til okkar í dag, hálfgrátandi þegar hún áttaði sig á því að við gátum gert þetta á eigin spýtur og var virkilega að grenja sig inn í okkar verkefni!!! Við vorum nú ekki alveg sáttar og töluðum við Sissi (kennarann) og sögðum henni bara hvernig þetta var allt saman. Nú svo kom að fyrirlestri.... og viti menn... árans geitin byrjaði og sagði auðvitað allt sem við vorum búnar að vinna hörðum höndum!!!! Arrrrrrrrrg!!!!! Við vorum allt annað en sáttar og vorum nú ekkert að leyna því heldur...að lokum lásum við okkar hluta og Sissi var svo yfir sig hrifin af okkar vinnu (erasmusanna) og var ekki mikið að hrósa geitinni!!! Hversu ljúft var það??? hehehe
Geitin kom síðan í lokin og baðst afsökunar á því að hafa stolið okkar vinnu til að bjarga eigin skinni og við vorum nú frekar lítið að púkka upp á hana...létum hana alveg finna fyrir því að við vorum allt annað en sáttar!!!
Nú við fengum lánuð gögn um Önnu Frank frá Dagmar, sem vinnur á alþjóðaskrifstofunni og fórum því beint þangað eftir fyrirlestur til að skila þeim. Og að sjálfsögðu fengum við útrás á aumingja Dagmar, Ilse og Renate um árans geitina!!! Við gagrýndum hana eins mikið og mögulegt var og það fuku alls kyns lýsingar sem þarf kannski ekkert að fara nánar út í hér hehehe. Nema hvað... að á skrifstofunni er líka e-r maður sem hlustar á öll ósköpin og segir okkur síðan bara að slaka á og honum var litið á mig eitt augnablik...... allt í einu kannaðist ég eitthvað við hann og viti menn... var þetta ekki bara rektorinn sjálfur!!!! Mér brá pínulítið og sagði við Möggu á ísl.. að ég héldi að þetta væri skólameistarinn og auðvitað skildu það allir á skrifstofunni... ég meina schulmeister...!!!! Við klikkuðumst úr hlátri og fórum bara í burtu þar sem við vorum búnar að gera nóg í bili.. ;-)
Jájá þá var bara að fara heim og kaupa öl og fagna okkar glæsilega fyrirlestri og fara í spænskt matarboð. Bis später......

mánudagur, júní 02, 2003

Ja hérna hér...það er kominn júní!!!! Það þýðir að ég er á leiðinni heim eftir nokkra daga!! Hmmm það er pínu skrýtið að hugsa til þess... þar sem ég væri til í að vera lengur hér t.d. af því að þýskan er öll að koma, það vantar pínu meiri tíma til að æfa hana.. og líka vegna þess að það er svooooo gott að búa hér!! Ég held að ég eigi pottþétt eftir að koma hingað aftur til að vera um tíma.. amk vona ég það ;-)
Ég kem heim 12.júní og það er auðvitað tilhlökkun en samt á ég líka eftir að sakna Vínarborgar!! EN það er auðvitað alltaf gott að koma heim og hitta alla aftur ;-) Núna síðustu daga er svo mikið að gera.. mar þarf að skoða svo margt og svona lifa sig eins og túristi af og til hehehe og svo er líka málið að njóta síðustu daganna út í ystu.....
Ég sló samt algjört met í dag...skrifaði fullt af póstkortum, believe it or not, en þetta get ég eftir allt saman tíhíhí ;-) Ég er kannski ekki sú duglegasta í heimi að skrifa kort eða bréf ehehe en það má alltaf bæta sig..