Halló halló halló!!

"Það var sagt að það væri show!!!"

miðvikudagur, mars 31, 2004

Trallallaaaaaa

Nú er mín aldeilis búin að standa sig vel í tónó!!! Búin að tækla próf í píanóleik og söng, nú er bara að krossa fingur og bíða eftir niðurstöðum. Úff þar er reyndar svolítið taugatrekkjandi...fæ bara bréf í pósti eftir ca 2-3 vikur um árangurinn, þetta er bara eins og í ammmríku eða bíómyndunum!!! Finnst það reyndar svolítið asnalegt að fá ekki að vita fyrr og hvað þá að kennarinn fái ekkert að vita..hann fær upplýsingar á sama tíma og ég! Vona bara það besta hehehe.
Nú er bara að undirbúa útlegðina um helgina... við Magga erum að fara út í sveit þar sem ekkert getur truflað, til að vinna í lokaritgerðinni..hlakka til. Tökum bara með okkur rauðvín og eitthvað gott að borða og þá mun ritguðinn svífa yfir okkur, POTTÞÉTT hehehe

föstudagur, mars 26, 2004

Jæja...

Nú er að skondra þessu verkefni af og fara síðan að í smá píanóskrans...stutt í próf og svona. Sit heima að reyna einbeita mér en gengur svona lalaaa, nenni ekki þessu blessaða verkefni hehehe komin með leið á því!!! En það verður víst að klárast til að ég komist í píanógírinn sem allra fyrst því prófið er á mánudag og minns að skondrast suður annað kvöld til að fara í fermingu á sunnudaginn. Það verður nú fínt þegar ég verð búin í þessum prófum á þriðjudaginn...fjúff mar þá fær mar sér nú rauðvínsglas eða e-ð!!
Hey datt svona líka í lukkupottinn í gær!! Haldiði að það hafi ekki verið bakkað á aumingjans Pólóinn minn og greyið beyglaðist meira en það sem ég beyglaði um daginn sko!! Þannig að nú fæ ég allt bætt án þess að borga krónu ;-þ hehehe og er ekkert annað en MJÖG ÁNÆGÐ yfir því.. skondra djásninu mínu á verkstæði bara sem fyrst!!
það snjóar bara hérna núna, ekta svona göngutúraveður eða vídeóveður..liggja upp í sófa og glápa á vídeó og gera ekki neitt.....dísús maður ég held að ég sé að beila á þessu...komin með letiveikina!! eeeeeeeen það gengur ekki, tónó bíður, klára þetta verkefni í kvellan!

þriðjudagur, mars 23, 2004

busybusy...

Jammjamm hér er nóg að gera í skólanum, próf eftir viku í píanóleik og söng og lokaritgerð á fullu.
Í kvöld og á morgun eru það svo söngtónleikar!! Jájá mín er bara að fara troða upp 2 daga í röð hehehe það er nú bara æfing fyrir prófið sem er í næstu viku.
later......

laugardagur, mars 20, 2004

Söng og hæfileikakeppni FSHA...

var bara helvíti skemmtileg!! Reyndar voru mjög fáir en við í dómnefndinni skemmtum okkur alveg konunglega hehehehe frír öl á barnum sem betur fer því við vorum öll svo þyrst eitthvað!! hehehe Okkur tókst meira að segja að brjóta aðalvinninninginn sem var risa páskaegg í miðri keppni, allt í einu var dómnefndin í hláturskasti á meðan einn keppandinn gerði allt sem hann gat til að reyna vinna herlegheitin. múhahahahahahaha jájá við vorum bara að hjálpa sigurvegaranum að brjóta eggið, svona erum við nú hjálpsöm ha... Jónas eldgleypir með meiru vann keppnina, hann er svakalegur með eldinn!! Ég myndi aldrei þora að gera svona! Eftir keppnina fór ég síðan á spilakvöld hjá Steina og Ingu og við spiluðum Pictionary, voða gaman. En vá hvað ég gat ekki spilað þetta án þess að segja já/nei... fyrst byrjuðu allir að spila það þannig og stigu nánarst fyrst á réttunni svo á röngunni dansinn með til að gefa vísbendingar í staðinn fyrir já /nei og það er eittthvað sem ég barasta get alls ekki hehehehhee er bara einum of málglöð til þess tíhíhíhíhí

Nú í dag er það svo afmæli hjá Petru skvísu, litlu frænku minni og þaðan beint í partýgallann til að fara í pre-party fyrir árshátíðina með tónó í kvöld. Stuðstuðstuð

Störnuspá..

Svona er stjörnuspáin mín.....

Þetta verður mánuður tíðinda hjá þér. Það er allt að gerast og þú veist ekki í hvorn fótinn þú átt að stíga. Það koma svo mörg spennandi tilboð inn um lúguna hjá þér og þú þarft að velja núna sem verður erfitt þar sem nautið er þekkt fyrir að vilja gera öllum gott í kringum sig en þú getur aldrei gert allt. Þú hefur ekki tíma til að einbeita þér að öllu sem er að gerast í kringum þig þannig að þú verður einfaldlega að velja og hafna. Taktu þér tíma til að finna hvað þú vilt gera til að vera viss þegar þú velur. Mundu að besta leiðin til að taka ákvarðanir er að vera einn með sjálfri/um sér því það er enginn annar en þú sem getur ákveðið hvað þú vilt gera.

Vá það er alveg ótrúlega mikið til í þessu!!!

föstudagur, mars 19, 2004

JÆJA...

þessi dagur hefur ekki verið neinn draumadagur!!! Fór í skólann as usual en hefði svei mér þá betur getað sleppt því... þá væri ég kannski ekki svona pirruð eins og ég er núna. Það var alveg eins og fótunum hefði verið kippt undan mér í dag og eftir stend ég gjörsamlega fótalaus!! Verð nú samt að leika pollýönnu, ef ekki núna þá aldrei hehehehe!!
Ásta vinkona kom í heimsókn áðan með litla snúllann sinn og við fengum okkur rauðvínsdreitil og svona... nema hvað, hann Atli var nú bara eitthvað að leika sér hérna í stofunni og haldiði ekki að drengurinn hafi ekki ælt bara eins og múkki á mitt stofugólfið?! Mein Gott!! Ég var nú ekki alveg að höndla það, ojbarasta... Ásta varð að þrífa þetta hehehehe.
Í kvöld er ég að fara dæma í söng og hæfileikakeppni FSHA og um leið og það er afstaðið fer ég beint í spilakvöld hjá góðum vinum mínum. Góður endir það á annars slæmum degi!!

Hlakka nú til morgundagsins því þá er minns að fara á árshátíð Ak.bæjar með Tónó, það verður án efa mjög gaman :-)
Svo er að tækla lokaritgerðina á sunnudaginn...jammogjæja

mánudagur, mars 15, 2004

Mánudagar til mæðu..

Well well ég held að þessi dagur hefði nú alveg mátt vera betri!! Fór á fund vegna skólaruglsins hérna og verð að segja að nú fer þetta að verða gott! Get ekki sagt að ég sé bjartsýn í augnablikinu úff...það verður gaman að komast bara í hótelgírinn sem fyrst. Stýra var hérna um helgina að skoða mannaráðningar fyrir sumarið og ég get ekki annað en hugsað til sumarsins með tilhlökkun. Svei mér þá, eitt sumar enn hehehe kannski er ég bara á rangri hillu í skóla...ætti bara að fara í ferðamálin, ja maður spyr sig! Neeeeei ég held reyndar að ég myndi ekki nenna í e-ð rekstrargrín.. ætla að halda áfram í tónó næsta haust og bara vinna einhversstaðar og/ eða að skipta um skóla. Fjandinn sjálfur, nú er staðan þannig að
ég veit ekkert hvað ég á að gera. Ætla að byrja á að hafa samband við KHÍ bara sem fyrst til að hafa allt opið. Annars held ég að nú þurfi að fara segja frá öllu þessu veseni sem er í þessari kennaradeild þannig að fólk fari nú ekki að gera þau STÓRU mistök að hefja nám við deildina!! Það þarf að endurskoða MJÖG mikið innan deildarinnar áður en ég ráðlegg einhverjum að hefja nám hér við kennaradeild HA!!
Hananú!!!
Jæja draumalandið bíður............zzzzzzzzzzzzzzzzzz

sunnudagur, mars 14, 2004

ég mæli með....

Kátu ekkjunni sem er einmitt verið að sýna í Ketilhúsi í mars. Fór í gær og það var bara mjög skemmtilegt og skondið líka. Skondið að hafa tónlistina að hluta á teipi...hmmmm en það jájá var í lagi. Er að reyna lufsast í lokaverkefninu en gengur e-ð hægt samt. Fer á fullt bræt and örlý á morgun og bara á hverjum degi hér eftir!!! Nú þýðir sko ekkert hangs!
Þá er ráð að hætta að hangsa og fara að vinna................

laugardagur, mars 13, 2004

"mér finnst rigningin góð"

...en bara stundum. Þetta er alveg með ólíkindum... sko alltaf þegar mér dettur í hug að skella í þvottavél, sérstaklega með það í huga að hengja út, þá kemur rigning!!! Held að ég verði að reyna gabba lordinn eða þann sem stjórnar veðrinu á einhvern snilldarmáta!

Ég var næstum því búin að segja mig úr HA í gær!!! Búin að fá mig FULLSADDA á skítkasti frá fólki sem þykist vera á háum stalli!! Helvítis fábjánar og hana nú. Ef ég kynni vúdú núna, og ég vildi óska þess núna í augnablikinu, þá myndi ég pína sérstaklega einn ákv aðila svoooooooo mikið hehehehehe Sko það eru ekki bara tvö horn að vaxa á mér núna... nei nei það er e-ð miklu meira en það AAAAARRRRG!!!!! Nei svona í alvöru talað þá er ég ásamt fleirum nemum í mikilli rimmu sem er ekki lengur á fagmannlegum nótum, þessir miklu menn eru komnir í persónulegt skítkast og það fíla ég alls ekki!!!! það eru ekkert nema helvítis aumingjar og landeyður og hrikalegir þverhausar sem drulla yfir mann og annan!!
Ég er líka búin að komast að því að það virðist skipta máli hver þú ert til að nema námið á farsælan máta hér. Málið er að tveir nemendur fá sérstaka sérkennslu á íslensku til að hjálpa þeim vegna erfiðleika með námsefni á ensku jájá og þeir þurfa ekki einu sinni að fara í fyrilestra sem eru á ensku vegna erfiðleika með málið!!!! Hvaða stælar eru það? Get ég þá ekki alveg eins fengið e-ð sér treatment í sambandi við stærðfræði??!! Ja maður spyr sig!!!

Well nú er ég búin að pústa aðeins heheheh sorry það er nú bara þannig að þegar ég byrja er erfitt að stoppa, svo er þetta líka svo pirrandi því þetta truflar allt. Var t.d. í píanótíma í morgun og það var nú bara eins og ég hefði ekki snert það í marga daga....dagsformið alls ekki gott. En það fer batnandi... er að fá heimsókn á eftir og kíki jafnvel út á lífið í kvöld ;-)

fimmtudagur, mars 11, 2004

hvað er að gerast núna?

Ég hata heimspeki menntunar...

...eins og fýlustrumpur myndi pottþétt segja og mikið er ég sammála!!
Jeminn hvað ég nenni ekki að gera þessa blessuðu heimspeki!!!!!!! Sit hér á Sólborg alveg að beila á þessu öllu! Langar mest af öllu til að fara heim í sófann minn og glápa á sjónvarpið eins og dáleiddur vitleysingur. Kannski ég geri það bara hehehe neibb ég skondra einhverjum 100 orðum á blað..það er betra a skila einhverju en engu, annars er ansi freistandi að nýta sér þann möguleika að skila ekki einum úrdrætti....það má sko.

ég get ekki sagt að ég sé í drífandi gír núna þessa dagana, er orðin hundleið á öllu vesinu í þessum blessaða skóla og langar mest til að pakka saman og fara bara! En eins og allir segja og kannski best að hlusta á það.... best að gefast ekki upp, en það er nú samt meira en að segja það að vera í helvítis pollýönnuleik endalaust, jafnvel þó hann sé ágætur! Árans vandræði eru þetta ha?!

Það verður gott að fara í helgarfrí...mmmmmmmm kannski tjútt með Eddustaffi...það verður magnað. Svo verð ég endilega að drífa mig á Kátu ekkjuna en það er einmitt verið að sýna það í Ketilhúsinu í mars. Mig langar líka að fara suður á Brúðkaup Fígarós en hmmm það verður að bíða þar sem ég á ekki grænan fimmeyring!!! Fátækur námsmaður sem lifir samt lífinu hehehe árshátíð síðustu helgi, tjútt um helgina og árshátíð 20 mars... það er nú líka bara til að þrauka tíhíhíhí

þriðjudagur, mars 09, 2004

hjálp!!!!

Getur ekki einhver reddað mér tölvuorðabókinni?? Alveg ómissandi fyrirbæri en bara aaaaðeins of dýrt þannig að ef einhver er þarna úti sem getur reddað mér...plíííís let me know... k01041@unak.is

hilsen... nemi í neyð

Árshátíðin....

um helgina var algjör snilld!! Við byrjuðum í partýi heima hjá mér og þar var svaka stuð, mikið djammað og djúsað hehehe Maturinn var gargandi snilld, hefði sko alveg getað borðað meira - þrátt fyrir óvænta ábót hehehe. Svo klikka paparnir náttúrlega aldrei, ég er strax farin að hlakka til að fara á árshátíð Akureyrarbæjar, væri bara til í að fá sama matseðil aftur en þar verða sennilega Bautamenn á ferð og þá er auðvitað það sama og venjulega.....moðsteikt lambalæri í aðalrétt, kommon!! það hlýtur að vera hægt að kenna þessum kokkum að elda e-ð annað, þetta er búið að vera í milljón ár á bautanum!! Gef þessu samt séns hehe


Spennan er ansi mikil núna... fundur í dag hjá deildinni um stæ....kaldur sviti og hnútur í maganum!! Það verður örugglega ekki mér í hag en ég skal fá þetta í gegn, hvernig sem ég fer að því, því ég er ekki tilbúin að eyða meiri tíma í þessa bjánalegu deild...
eitt gott: fékk símhringingu fyrir helgi þar sem ég var spurð út í píanóið hvort það þyrfti að stilla það fyrir árshátíð!!!!! Ég gat nú ekki annað en skotið á kauða að ég væri ekki rétta manneskjan til að svara því þar sem ég fæ ekki að nota það!!! Hvað er að þessu fólki??!! Ja maður spyr sig!! Hehehehe þetta batnar alltaf með hverjum deginum, hvað er annað hægt en að gera grín að þessu öllu?! Kaflinn í ævisögunni minni um skólagönguna lengist með hverjum deginum hehehe

Kannski ég snúi mér að verkefnum dagsins.......

föstudagur, mars 05, 2004

Tíminn líður trúðu mér

Vá hvað tíminn líður!! Er ekki að ná því að fyrir viku síðan var ég í borginni, finnst eins og það hafi verið í gær.. og þess vegna ekkert búin að blogga hehehe var þessi ekki góður?
Ég semsagt fór til borgar Davíðs ásamt Kór Glerárkirkju til að syngja og tjútta og það var barasta alveg dillandi stuð. Stíf dagskrá en gaman. Ég ákvað síðan að framlengja dvöl minni í borginni og átti bókað flug á þriðjudag, notaði tímann til að skoða KHÍ og svona.. en þegar minns ætlaði síðan að fljúga heim var komið alveg dýrvitlaust veður en það var barist við storminn og flogið af stað. Eftir nokkurra mínútna flug kom þessi líka skellurinn á vélina.....og hvað haldiði.... það réðst elding á flugvélina!!!! 'Eg sat í sakleysi mínu að lesa moggann og vissi ekki alveg hvað var að gerast þarna, vængurinn var bara eins og fjólublátt ljós við barinn sko!! Flestir tóku þessu nú með rólegum fíling en við urðum að snúa við. Þegar við vorum komin til baka var farþegum smalað saman í eitt herbergi og þar boðið upp á "áfallahjálp" og útskýringar á hvað hefði komið fyrir. Ég þakka nú guði fyrir það að vera ekki flughrædd því þarna var verið að segja að það hefði komið gat á nefið á flugvelinni, mér fannst það kannski ekki alveg rétt að treatmenta fólkið þannig en ég græddi nú drykk og köku út á þetta allt saman svona til að hafa alla farþega góða var öllum boðið á teríuna.

Hmm svo er það bara brasið hér í skólanum eins og venjulega, endalausar skriftir nú og svo árshátíð á morgun! Það verður nú stuð. Jæja nú er best að fara raða bókum og drífa sig heim í tiltekt...party á morgun ;-)