Halló halló halló!!

"Það var sagt að það væri show!!!"

þriðjudagur, nóvember 30, 2004

Ennþá veik...

Ein ég sit og sauma, inní litlu húsi... neeeeeits bara grín en ég er samt ein heima inn í stóru húsi, ennþá veik, get ekki sagt að ég hafi þolinmæði í svona smápestir, ég má þakka fyrir að það er samt ekki meira!! En þetta er nú allt að koma með hjálp lýsistvennu, sem ég reyni nú reyndar alltaf að taka, tei sérstaklega fyrir hálsinn og hálstöflum. Þetta er ótrúlega skrítið, er sko með bullandi hálsbólgu og verkirnir voru eins og þegar ég kom úr hálskirtlatöku og ég sem hélt að ég væri laus við hálsbólgur fyrir fullt og allt.. Fussum svei, aldeilis ekki!! Svo missti ég röddina líka þannig að ég hef nú ekki komist í kennslu, úff maður, get ekki ímyndað mér hvernig það hefði verið, raddlaus í forskólakennslu hmmmmmm held ekki.

Ég get kannski notað tímann og farið að skreyta hjá mér, svei mér þá.. amk get ég ekki farið að föndra kortin því ég á ekkert efni til að föndra úr og svo ætla ég bara að kaupa eins og venjulega hehe. Ég finn mér eitthvað til að gera... horfði á Leiðarljós í gær og það er bara eins og ég hafi alltaf horft á það hehehe mér fannst það bara fyndið og ætla að horfa aftur í dag, ég tek dagskrána bara eins og hún leggur sig... pökkuð inn í sæng..


mánudagur, nóvember 29, 2004

Sælt veri fólkið...

langt síðan ég hef komið hingað!! Í dag er tækifærið að bæta úr því... fór ekki í vinnu í dag, stúlkan bara veik heima - ansans ástand. Hjá mér er alveg nóg að gera og ég hef eiginlega ekki tíma í veikindi en kennslan gengur fínt og söngnámið líka og svo er ég á fullu í félagstörfum. Það er bara gaman en það væri líka snilld að lengja sólarhringinn af og til hehehe

Fór í 30 afmæli um helgina, Óskar búinn að ná þeim merka áfanga og hélt svona líka magnaða veislu - ég skemmti mér alveg konunglega.

Helgamagrastræti verður mitt heimili til 1. feb, eftir það hef ég ekki hugmynd hvar ég ætla að búa....seinni tíma vandamál. Annars er nýjasta planið mitt að vera hér á AK fram á næsta haust og skella mér síðan til útlanda, sennilega til Austurríkis í framhaldsnám!! Það kemur allt í ljós þegar nær dregur.

Ótrúlegt hvað allt er orðið jólalegt, ég þyrfti nú kannski að bæta úr því hér heima hjá mér.. á eftir að setja seríur upp og gera aðventukrans og svona... það kemur í vikunni tíhíhí amk stefni á það! Ég var líka búin að plana að búa til jólakortin í ár... en jæja held að ég kaupi bara í staðinn því ég er ekki að sjá að ég hafi tíma í það né hugmyndir.

hmmm jæja kominn tími á lækningateið sem ég fékk sent til mín áðan..

sunnudagur, nóvember 07, 2004

letilíf...

Vá hvað ég nenni ekki neinu í dag, enda er sunnudagur og þá reyni ég að gera ekki neitt. Er í dag að hlaða batteríin fyrir komandi vinnuviku, sem kannski verður ekki svo strembin þar sem stefnir allt í verkfall á ný! Æi vona auðvitað að þetta verði nú ekki langt verkfall en ég get ekkert gert nema að bíða og sjá.

Lenti á svakalegu tjútti á föstudaginn..Café Karólína var með opið hús, drykkir í boði og svaka stuð. Það var verið að halda upp á eigendaskiptin, Viggi og Magni búnir að selja og voru að bjóða Einar, nýja eigandann velkominn. Það var rosalega gaman að hitta allt liðið, gamalt staff, fastakúnna og alla hina hehe. Ósköpin enduðu síðan á Kaffi Ak. og síðan á viðbjóðslegustu samloku sem ég hef smakkað, ógeðslega mikið mayonesdrulla og sveittar franskar á milli.. ég bara kom þessu ekki niður. Gærdagurinn var líka eftir því..ansi rykug í röddinni en ég þurfti nú ekkert að nota hana heldur, sem betur fer. Fór samt í tónó að fylgjast með master class hjá Diddú... rosalega væri ég til í tíma hjá henni, hún er alveg frábær!!

ætla að fara og skella í eins og eina vél.. svona til að afreka eitthvað í dag hehehe.... og horfa síðan á Kroniken á ruv í kvöld!!