Vá hvað það er búið að vera gaman um helgina!! Svona á milli vakta hef ég leikið mér.. hékk td í sundi í næstum því 5 tíma á föstudaginn sem var mergjað. Svo í gær var bara djamm sumarsins held ég...Míms kom í heimsókn og við ætluðum að tjútta með Erlu vinukonu en sökum svakalegrar múgæsingu og hópþrýstings frá nokkrum eddustöffum ákváðum við að skella okkur til Hríseyjar!!
Allt var klárt og við tróðum okkur í bíl kokksa og lögðum af frá Ak um kl 23 og síðasta ferja 23:30 þannig að tíminn var naumur. Allt var reynt.. kokkurinn hringdi í ferjuna og bað þá að bíða ( kokksi er sko með samb. út um allt) Nú við komumst á sandinn og ferjan var enn við bryggju þannig að við skondrumst út úr bílnum og hlaupum af stað. Brottför var að bresta á því sjóararnir voru að leysa landfestar og þá tókum við Míms 100 metrana á mettíma með bjórinn í annarri og lagerinn í hinni gólandi á skipperana um að bíða nú eftir okkur. Það tókst nú ekki betur en svo að þeir veifuðu bara til okkar!!! Haldiði að það sé nú mótttökurnar!! Myglaðir marhnútar!!!!! Nokkrir löggukallar sáu þetta og fannst þetta nú mjög ósvífið af ferjuliðinu!!! Huh þeir ættu nú að skammast sín!!
Við sáum fram á að fara bara aftur í bæinn svekkt og súr en viti menn....vonin var ekki úti þar sem lítil trilla sigldi inn höfnina. Kokksi er náttúrlega sendur í samnigaviðræður við sjóarann og jújú hann var á leið út í ey og ekki málið að fá að sigla með. Við þáðum það nú með þökkum og duttum aldeilis í lukkupottinn því með þessu borguðum við ekki krónu inn á svæðið þannig að ferjuliðið tapaði stórt á þessu hehehehe sem er nú bara fínt! Nú við tjúttuðum svo í Hrísey þangað til papaballið var búið og við á leið í síðustu ferju til baka. Við skellum okkur í röðina og Míms og Nóri eru á leið um borð þegar alltí einu erum við bara stoppuð.. Neinei er ekki bara ferjan orðin full og við látin standa á bryggjunni og bíða...Míms og Nóri bara á leið í land og við strandaglópar!! Nú voru góð ráð dýr, kokksi og driverinn áttu að mæta í vinnu e nokkrar klst!!! hmmmmm við hlógum nú af þessu ég meina það var ekki mikið annað hægt að gera en að sitja á bryggjunni og bíða.
Nú ferjan varð að fara aukaferð þannig að við komumst loksins í land en þá tók næsta ævintýri við.... við vorum olíulaus. Kokksi var að vinna í málinu (náttúrlega) og jújú við skelltum okkur á næsta bæ til að fylla á bílinn. Ég var síðan komin heim til mín um hálf sjö...driverinn fór beinustu leið í morgunmatinn bara. Þetta var svo mikil snilld og við eigum pottþétt eftir að lifa á þessu kvöldi eða bara gera meira af svona ævintýrum tíhíhíhí
Dagurinn í dag var svo rólegur þangað til allt í einu var ég mætt á Edduna í uppvask....rokkaði þar feitt svona frekar þreytt eftir amstur helgarinnar en meikaði það samt hehehe get líka sofið út á morgun :-)
Draumalandið bíður mín.......