Dýrt spaug!!

Það er rán að fara til læknis!!
Nú er ég svolítið pirruð út í læknastéttina!! Þar sem ég er stórslösuð á hné eftir helvítis ótemjuna sem ég var á á laugardaginn, þá var mér ekki farið að lítast á blikuna því verkirnir jukust í stað þess að minnka. jújú ég skondrast á slysó, á réttum tíma, var sko ráðlagt að fara ekki fyrr en bólgan myndi hjaðna meira, en hvað fékk ég í hausinn?! Einhverja kellingabeyglu sem þóttist vera læknir en alveg hrikalega leiðinleg, hún reif bara kjaft við mig, skjólstæðinginn, og sagði að slysadeildin væri sko ekkert fyrir svona smámeiðsli!!! HVURSLAGS VINNUBRÖGÐ ERU ÞETTA?! Ja maður spyr sig!! Huh ég reyndi mitt besta til að grínast í læknadruslunni og var eitthvað að blanda ER, þeim sívinsælu þáttum inní þetta, að þar gæti maður alltaf komið sama hversu lítil skráman væri hehehe en neeeeei það fannst henni nú ekki fyndið!! Hjúkkan hló nú samt tíhíh og mér fannst þetta aaalveg magnað tíhí svona er maður nú fyndinn :-) en ég fór semsagt 3000 kr fátækari fyrir nöldur og skítkast frá helv.. lækninum, dýrt rifrildi það!! Held að ég haldi nú bara áfram að fara EKKI til læknis nema í sjúkrabíl!!! Svona viðmót á maður ekki að láta bjóða sér og hana nú!! 3000 kall sko, helv...!

Í dag er bara síðasta vaktin mín á bókasafninu..skrítin tilfinning, held að ég eigi eftir að sakna þess að vinna hérna, þetta er alveg draumadjobbið með skólanum. Á morgun klára ég síðan kennsluna í Síðuskóla sem þýðir að ég er nánast í fríi fram í miðjan júní, er í tónó 2 x í viku og siðan ekki söguna meir.

Er að hugsa um að nota tímann og skreppa suður og kíkja á litla stubbinn hjá Birnu og Didda á Skaganum og bara heimsækja familíuna í borginni og svona.. gæti verið gaman ;-)

Jæja er hætt í bili... spennandi að sjá hvort ég hafi náð að laga kommentin tíhí reikna nú ekki með því en það er kominn teljari....