vika í skíðaferðina!!!

... og ég get varla beðið eftir því að fara!!! Sama fílingur í gangi og þegar jólin nálgast svei mér þá !! Nú þarf ég að skipuleggja kennsluna fyrir afleysingakennarann minn hann Heimi, hehehe hann á vonandi eftir að skemmta sér.

Fór í borgina um síðustu helgi í raddbandamyndatöku - skondið atvik þar sem pinna er stungið langt ofan í kok og læknirinn heldur í tunguna og ég átti að gefa frá mér alls konar óhljóð hahaha mér fannst þetta mjög fyndið. Síðan er magnað að horfa á raddböndin mín á videoi - já hvar værum við ef tæknin væri ekki til staðar - ja maður spyr sig!! Fékk eina bestu máltíð sem ég hef smakkað lengi á laugardagskvöldið, lenti nefnilega í villibráðahlaðborði í fjölskylduboði.... vá hvað það var gott - humar í forrétt og síðan var önd, gæs, rjúpa og hreindýr - gerist það mikið betra ? Svei mér þá ég held ekki..

Nú áfram hélt átið því það var skírn hjá litlu frænku minni á sunnudeginum... eins gott að ég er ekki í danska kúrnum.. ég hefði ekki meikað að halda þeim sjálfsaga sem þarf - nei of mikill sælkeri!!!

Jæja hér er bara skortur á snjó.. ég ætlaði að vera svoleiðis búin að æfa mig á brettið en hef einungis komist tvisvar sinnum.. ekki nógu gott. Ég verð bara að halda dagdraumum áfram.

Hilsen...