nattevakt!!

jæja nú er ég á næturvakt og heyri öll ólíklegustu hljóð í kringum mig!!! Annars gengur þetta ágætlega, búin að gera næstum öll verkefni næturvarðar og klukkan bara 05:07, dugleg stúlkan hehe

Reykjavíkurferðin á Duran Duran var tær snilld. Eins og mér einni er lagið, tókst mér að verða strandaglópur í ca eina klst tíhíhí því þegar ég lenti í Reykjavík voru allir sem mér datt í hug að hringja í eitthvað uppteknir. Og hvað gerði ég í málunum... jú mín skondraðist af stað um götur borgarinnar eins og sannur túristi dragandi á eftir mér tösku á hjólum!! Það var bara stuð að tölta þarna um og koma að luktum dyrum á tveimur stöðum í vesturbænum, ótrlúlegt en annars alveg typical þegar ég er annars vegar ;-) Þetta reddaðist nú á endanum þegar Míms birtist á glæsikerrunni sinni og pikkaði mig upp.
Duran Duran voru alveg geggjað góðir. Við Míms skondruðumst saman, vorum samferða Önnu Lilju og Hildi vinkonu hennar nema hvað, við Míms týndum þeim e ca 2 mín eftir að við komum inn á A svæði!! Ágætir klaufar en jæja það varð að hafa það svo við tróðum okkur inn í þvöguna bara og komum okkur í fíling :-) við vorum kannski ekki alveg eins og heitustu aðdáendurnir þar sem við kunnum ekki alla textana gjörsamlega utanbókar en þetta var rosa stuð og þeir bara fjári þéttir í spileríinu!
Nú það var stutt stopp í borginni þar sem ég Anna og Robbi skelltum okkur að Hólum í Hjaltadal á föstudag til að vera viðstödd brúðkaup Steina og Ingu á laugardag. Við leigðum okkur bara sumarhús yfir helgina og þar var auðvitað svaka stuð og athöfnin æðisleg í alla staði. Við Margrét sungum lag frá foreldrum Ingu til brúðhjónanna, vorum að æfa það í fyrsta skipti á föstudagskvöldi um kl 23 en það gekk nú samt alveg glimrandi vel sem betur fer, við vorum alltaf að gleyma fjandans laginu, meira segja rétt áður en við áttum að flytja það.. úfff en það blessaðist nú !!
Jammjamm og svo var bara rólegur fílingur í gær og ég að reyna snúa sólarhringnum við til að vinna á næturvöktum næstu 7 nætur.. stuðstuðstuð